للمبتدئين في رياضة كمال الاجسام للمبتدئين فقط فقط فقط

[size=21]بسم الله الرحمن الرحيم

"السلام عليكم ورحمه الله وبركاته"

في البداايه ارحب بكل الي زار موضوعي
الصغيره ده بس والله انا حاسسانه كبير اويمع ناس كتير نسبنا من المقدمات ونخش علي
الموضوع وهوه المشااكل الي بتواجه اي حد بيبدأفي لعبة كمال الاجسام
او بالبلدي كده الي بيبدأ يلعب[/size] حديد وهيه:
1-

الاحبااااط
وده بيجي للناس الي بتبقه بدأه كتير اوي انا
مش جي احبطكم انا جا اقول علي حااجه فعلا بتحصل ازا بقه انته مثلا لسه داخل اول يوم
ليك صالة الحديد(الجيم) وبعدين بتبص قدام بسم الله ما شاء الله تلاقي وحووش بتتمرن
وانته بقه تقول يااه الناس ديه بقوا كده يااسلام انا هبقه زيهم بقه وتخش وتبجأ
تمرينك طبعا هتسأل الكوتش الي ماسك الصاله العب ايه؟ هيقولك انته انهرده اول يوم
جينيرال تقوله يعني ايه ؟ يقولك انته انهرده هتعلعب مثلا بنش عالي وواطي وكتف امامي
وخلفي وبااقي التمارين..الخ المهم انته هتيجي تلعب تبدأ المشكله تبص تلاقي ايدك مش
مظبوط وفي نفس الوقت تكون اوزاانك صغيره اوقليله جدا طبعا تبص تلاقي واحد من
الابطال الي موجودن يقولك ياكابتن انته بتلعب غلط ويبدأ ظبطك في الادا ويظبط ايدك
وانته تبدأ تنفذ برده مش عيزه تتعدل تبص جنبك تلاقي واحد ما شاء الله بيلعب بوزن
رهيب نفس التمرين وايديه بسم الله ما شاء الله مظبوط اصلي تبدأ تتخنق وتقول انا
هغير التمرين ده تروح تلعب حاجه تاانيه يحصل نفس البنط معاك تبدأ تسأل الكابتن

وانته كل شوية هتسأل
الكابتن ولا ايه من جواك تتخنق من اللعبه ديه خلاص يومك خلص تخش اليوم التاني تبدأ
تعاافر مع نفسك ويحصل معاك نفس الموضوع ويوم تالت ويحصل نفس الموضوع وده الي بيخلي
معظم الناس الي بتيجي تلعب متكملش في البداايه وديه مشكله كبيره وانا هكتب حلها في
الاخر.
المشكله التاانيهالاوزااان:
طبعا
انته بقالك مثلا 3 ايام بتلعب واوزاانك لسه صغيره تبدأ تبص علي الناس الي بيلعبوا
معاك تلاقي ما شاء الله واحد بيلعب بنج وحاطط طارات الصاله كلها وانته يامسكين حاطط
مثلا وزن خفيف 5كيلو مثلا وبتعاافر معاهم بالعفيه وهوه ما شاء الله بيرفع (طبعا
ربنا يدي الابطال كلها الصحه لحد بيفتكرنا بنحسد ولا حااجه هههههه عااش يابطل)المهم
انته من جوااك بتتقطع من الي بتشوفه وتقول امته انا ابقه زيه وتبدأ تجرب تزود في
الوزن هيه مش وحشه بس كل شيء بالعقل وبالصبر ويحصل المشكله الكبيره ااه ااه اي
ياكوتش مالك حااسس اني ظهره تعبني ااه ااه ايه فيه ايه مزق ياكوتش لا قدررررالله
(ربنا يعافينا ويعاافي الجميع يارب)تبدأ تريح وانته لسه مبدأتش تلعب اصلا وديه
مصيبه كبيره غير الاحبااط وبرده انا هحط ليه حلي بأزن الله في الاخر..
3-لعبة المنشطات
طبعا ديه من الحجات
الي بتجنن الناس كلها في اللعبه ديه نقولك حمدلله علي السلامه ورجعت التمرني تااني
طبعا بتخش النادي او الصااله الي بتتمرن فيها تبص تلاقي وحووش متعلقه صورهم علي
الجدران والحوائط طبعا تتزهل وانا بقولك وعلي ضمان مني مفيش حد من الي علي الصور
ديه مخدش منشطات وخدها مني بنسبة 100% كله ضارب بمعنى اصح المهم نكمل انته بقاالك
فتره بتلعب يعني نقول شهر مثلا وبدأت تحفظ تمااريناتك وبدأت هه بنسبة70%تبط اداائك
واوزانك ما شاء الله بدات تكون افضل (عاش يابطل) تبص في المراايه علي جسمك (وخدها
مني علي بلاطه كل الي بيلعبوا حديد او بنسبة 99.9% بيبص في المراايه علي جسمه
يوميا) تلاقي ماشاء الله البنج اتحدد والباي والترااي بدأو يظهروا نسبيا وبااقي
العضلات الي لعبت عليهم تبدأ تقول هضخم بقه طيب اضخم ازاي تبدأ تسأل الناس القدام
اضخم ازاي طبعا محدش من الي بيخدو منشطات هيقولك انا نته هتضخم ازاي طبعا هيقولك
العب واصبر وهتجيب والله هيجي منك ياكوتش وكده انته اسبوع كمان ولسه مفيش الي في
بالك تبدا تسأل بس بره انا عايز اضخم اضخم ازاي تلاقي الي يقولك انته عليك
بالمكملات الغذائيه وانته تسأل ايه المكلات الغزائيه ديه يطلع واحد يقولك ديه
عبااره عن بروتينات وكربوهيدات ...الخ وديه بتفيد الجسم جاامد جدا وبتديك ضخامه بس
مع الوقت وكده
طبعا انته تسأل يعني هتظهر عليه امته يقولك يعني سنه سنه ونص كده
يعني انته يااااااااااه انا لسه هستنى سنه لا ياعم مفيش اي حاجه اسرع يقولك خش علي
المشطات

وانته
يعني ايه يقولك بقه انته عليك وعلي كورس ضخامه حلو انته تقوله ايه كورس ضخامه يقولك
تجيب الحجات ديه(حقن تستسترون وديكا والحورات الي الكل عارفها ) واضرب يامعلم انته
تساله هتجيب معايه بعد اد ايه يقولك علي حسب نهاية القرص نفسه 4اسابيع او 6 اسابيع
انته بقه مش مصدق 6 اسابيع وهبقه زيك كده يقولك ايوه ياعم اي خدمه تروح تشتري
الحجات ده لو لقيت الاصلي كمان (هتلاقي كل الي هنا مضروب طبعا) وتبدأ تمشي مع
الكورس وتلاقي جسمك بدأيباان عليه (مع العلم ان اقل وقت للكورسات يكون سنه او سنه
ونص تدريب وان التيكنك بتاعك وادائك يكون مظبوط بنسبة 95% في ادااء التمارين وان
اوزانك تكون تقيله وان السن يكون من 23وانته طالع مينفعش اقل من كده) واطبعا تشوف
جسمك وانته فرحان بس الي نصحك مقلكش علي اخطار المنشطات زي ما قلك عليها

ومش هقولك غير ربنا
يلطف بيك بعد كده ..
طيب وعلاج المشااكل ديه ايه؟؟؟

طبعا مشااكل مبتدئين اللعبه ديه كتير اوي اوي بس
ديه من اهمها وعلاج المشااكل ديه والله اعلم هيه:
1- علي شان تتغلب علي الاحباط دهوتبعد عنه اول حاجه لازم تعرف ان لعبة
الحديد اصلا لعبة صبر من الدرجه الاولى ولازم تصبر فيها وتجااهد نفسك يعني تلاقي
نفسك مش عارف تظبط ادااء تمارينك اسأل مش عيب وحاول مره واتنين والف كمان اسأل اي
بيلعبوا دول يقولولك اننا لول ما بدان نلعب حصلنا اشد من كده يعني لازم لاز تصبر
والله هتلاقي ومتيأسش ولا تقول انا مش ناافع اللعبه ديه بيلعبها السيدات يعني انته
راجل يبقه عيب عليك لمه تيأس وتقول انا مش هنفع العب اللعبه ديه والله انا واثق انك
هتبقه كويس.
2-الاوزان
طبعا انته لسه باادء اللعبه جديد يعني مش مطلوب منك انك تضخم العضله
يعني اساسا بالبلدي كده انته بتبني لسه عضله ازاي تضخمها ابسطهااالك(انته لسه بتبني
بيت جديد ولسه البيت ده دور واحد خرساانه ينفع انك تبدأ تبني طوب احمر علي طول من
غير اي عواميد او مسلح ولا لا طبعا لازم عمدان تشيل البيت ده) وديه لعبة الحديد
لازم تبني عضله علي شان تديها وزن علي شان تتضخم والوزن الخفيف بيبني ويقسم ويظهر
عضله وفي نفس الوقت بيقوي عندك العصب وبيديك ثقه في نفسك والله الكلام ده عن تجاارب
مش كلامي انا اما بالنسبه انك عايز تزود خليك لو انته في بدأيت لعبك كل اخر اسبوع
جرب تزود نص الوزن الي بتشيله بس خلي معاك حد يسااعدك في البدايه علي شان لو حسيت
انك هتبدأ تتعب يسعدك علي طول وده مش عيب يعني انته لو بتلعب نج ب10 و10 مثلا اخر
الاسبوع جرب تحط 5 عليهم بس خلي حد معاك والكلام برده لو بتلعب ب5و5 حط 2ونص اخر
الاسبوع وجرب وخلي معاك حد يسااعدك والله مش عيب وصدقني هتكسر وزنك في اسرع وقت
ممكن والله اعلم .
3-المنشطات:
طبعا اقولك في البدايه
اوعى تسمع لاي حد يقولك منشطات وكده اوعى ااه انته نفسك تكون فرمه حلوه وتظبط
التيشرت عليك وتبقه شكلك حلو وملفت للانظار وبالزات للبنات بقه هههههههههههه يعني
تبقه الشب الاصلي زي ما بيقولوا بس انا هرااضي زمتك تبقه من بره وحش وجامد وبطل ومن
جوه خربااااااان خالص وجسمك متبهدل ومهدد بالامرااض وده حرام جدا جدا علي فكره
المنضطات حرام شرعا لان الرسول (ص) قال لا ضرر ولا ضرااار. والاااية القرأنيه الي
كله حاافظها زي اسمه بسم الله الرحمن الرحيم(ولا تلقوا بأيديكم الي التهلكه) وانتوا
شيفيين اكتر من كده تهلكه ولازم نعرف ان جسمنا ده مش بتعنا يعني حاجه ربنا سبحانه
وتعالى مديهلنا علي شان نحافظ عليه وهنتسأل عليه يوم القياامه طبعا بعد ده كله
اقولك ابعد والله عن الحجات ديه وعلي رأي المثل ده (فار عايش ولا اسد ميت) ولو عايز
تبقه فرمه حلوه وتظبط نفسك العب واصبر ومفيش اي مشكله لو ابتديت بأي مكمل غزائي بس
بعد فترة تماارين متقلش عن شهرين او3 شهور هتقولي المكمل ده ممكن يخده الي مش بيلعب
حديد اقولك ايومه صح بس انته عايز شكل وضخامه يبقه انته لمه بتلعب بتضخ الدم في
العضله فا العضله هتحتااج غذااء واكل وبروتين وانته لمه تاكل هتستفاد بنسبه كبيره
ولمه تاخد اي مكمل جنب الاكل وانته بتلعب هتستفاد العضله اكتر واكتر وهتحصل علي
الضخاامه بازن الرحمن يارب اكون افدت باي حاجه وشكرا ليكم ولكل الي دخل وقرا
الموضوع سواء ساب رد او
مسبش[/COLOR]

جزاك الله كل الخير زؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤ

جزاك الله كل الخير وتسلم الايادي

زؤؤؤؤؤؤؤؤؤؤؤؤؤؤؤؤؤؤؤ وتسلم الايادي

تسسسسسلم الايادي يا زؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤ

الف شكر يا مان

ششششششششششششكرا يا محمود2009 تسلم ايدك